I bwy mae’r neges?

Wedi i chi agor Tecstio, bydd sgrin yn ymddangos yn gofyn am rif ffôn y person rydych am yrru’r neges ato.

Y sgrin Neges Newydd

Peidiwch â phwyso Enwau eto; mae hynny’n ddewis wrth-gefn ar gyfer ambell i ffôn.
Pwyswch fotwm joystick eich ffôn.

Unai fe fydd rhestr o’r Contacts sydd ar eich ffôn yn ymddangos, neu bydd opsiwn fel Add from Contacts, Look up neu Search yn ymddangos. Efallai y bydd angen i chi ddewis Options gyntaf (neu’r eicon menu sydd fel arfer yn cynnig dewisiadau i chi).

Dewiswch enw o'r rhestr sy’n ymddangos.

Os nad yw hyn yn gweithio ar eich ffôn, darllenwch y cyfarwyddiadau ar sut i ddefnyddio llyfr ffôn arbennig Tecstio.

Wedi i chi ddewis enw, dylai’r sgrin edrych rywbeth fel hyn:

Sgrin Neges Newydd, efo’r rhif ffôn

Sgroliwch i lawr (drwy bwyso’r botwm saeth am i lawr) er mwyn dechrau teipio’r neges.
Bydd y sgrin yn newid i edrych fel yr un isod.

Ar ambell i ffôn, mae’n rhaid sgrolio i lawr a dechrau teipio (neu pwyso Golygu), cyn i’r sgrin newid.

Sgrin Neges Newydd, yn dangos y ddewislen Opsiynau

Ni fydd Steffan Jones Cyf. na Bwrdd yr Iaith Gymraeg yn atebol am unrhyw golled na difrod pa sut bynnag y bydd yn cael ei achosi, a fo'n deillio'n uniongyrchol neu'n anuniongyrchol o ddefnyddio'r feddalwedd hon nac am unrhyw ddefnydd a wneir gan unrhyw un o'r feddalwedd neu'r data sydd arni.