Defnyddio’r llyfr ffôn
Mae gan Tecstio gyfeiriadur ei hun, sy’n ddefnyddiol os nad yw cyfeiriadur arferol eich ffôn yn cydweithio’n iawn efo Tecstio.
Dyma sut i gael ato:
- Gwnewch yn siŵr eich bod ar y sgrin sy’n gofyn at bwy mae gyrru’r neges (gweler isod)
- Pwyswch Opsiynau ac yna Enwau.
Bydd rhestr wag yn ymddangos, gan nad ydych wedi ychwanegu unrhyw enwau eto:
- Er mwyn ychwanegu enw, pwyswch Opsiynau ac yna Newydd.
Bydd sgrin yn ymddangos ble mae modd i chi deipio’r enw a’r rhif ffôn rydych am eu hychwanegu:
- Dechreuwch deipio’r enw. Bydd sgrin newydd yn ymddangos sy’n gadael i chi deipio’r enw yn y ffordd arferol ar gyfer eich ffôn.
- Unwaith rydych wedi gorffen teipio’r enw, pwyswch Iawn er mwyn dychwelyd at y sgrin isod:
- Teipiwch rif ffôn y person yn yr un modd.
- Pwyswch Opsiynau ac yna Iawn er mwyn ychwanegu’r enw newydd at y rhestr.
Bydd y rhestr enwau yn ymddangos gyda’r enw newydd ynddo:
- Pwyswch Opsiynau ac yna Iawn er mwyn ysgrifennu neges at y person rydych newydd ychwanegu.
Ni fydd Steffan Jones Cyf. na Bwrdd yr Iaith Gymraeg yn atebol am unrhyw golled na difrod pa sut bynnag y bydd yn cael ei achosi, a fo'n deillio'n uniongyrchol neu'n anuniongyrchol o ddefnyddio'r feddalwedd hon nac am unrhyw ddefnydd a wneir gan unrhyw un o'r feddalwedd neu'r data sydd arni.